უეფას პრეზიდენტმა ალექსანდერ ჩეფერინმა ჩემპიონთა ლიგაში არაბული კლუბების ჩართვა გამორიცხა.
სლოვენიელის თქმით, ეს რომ მოხდეს, წესების შეცვლა მოუწევთ, ამის გაკეთებას კი არ აპირებენ. გარდა ამისა, ჩეფერინმა აღნიშნა, რომ საუდის არაბეთში მხოლოდ ვეტერანები ან უამბიციო ფეხბურთელები მიდიან.
„მხოლოდ ევროპულ კლუბებს შეუძლიათ ჩემპიონთა ლიგაში, ევროპა ლიგაში და კონფერენს ლიგაში მონაწილეობის მიღება. ამ საკითხით უფრო მეტად მედიაა დაინტერესებული, ვიდრე საფეხბურთო საზოგადოება. მხოლოდ ევროპულ კონფედერაციებს შეუძლიათ ფინალის მასპინძლობა. სხვანაირად წესების შეცვლა მოგვიწევს და ამის გაკეთებას არ ვაპირებთ.
არსებობენ ფეხბურთელები, რომლებიც კარიერის ბოლოში არიან და ასევე არსებობენ ფეხბურთელები, რომლებიც არ არიან საკმარისად ამბიციურები, რომ ყველაზე მნიშვნელოვანი შეჯიბრებების მოგებისკენ ისწრაფოდნენ. რამდენადაც ვიცი, მბაპე და ჰოლანდი არ ოცნებობენ საუდის არაბეთზე. საუკეთესო ფეხბურთელები, კარიერის მწვერვალზე არ მგონია, რომ საუდის არაბეთში წავიდნენ. როდესაც ხალხი იქ წასულ ფეხბურთელებზე მეუბნება, არავინ იცის, სად თამაშობენ“, - თქვა ჩეფერინმა.
