Gazzetta Dello Sport-ი ხვიჩა კვარაცხელიას ახალ პოზიციაზე წერს და კონკრეტულად იმაზე, როგორ იცვლება მისი თამაში რუდი გარსიას ხელმძღვანელობით. ფრანგი კვარას უფრო ცენტრში მოიაზრებს და მხოლოდ ფლანგზე მოქმედებით არ შემოიფარგლება.

„35 წუთი ცოტაა იმის დასამტკიცებლად, რომ რაღაც შეიცვალა, მაგრამ 35 წუთი „სასიოლოსთან“ რუდი გარსიას „ნაპოლიში“პირველი თამაში იყო ოფიციალურ მატჩში და ცვლილების ნიშნები გამოჩნდა. კვირა საღამოს კვარამ მარცხენა ფლანგიდან დაიწყო, მაგრამ მეორე გოლის დროს საგოლე პასი მან კლასიკური მე-10 ნომრის პოზიციიდან გააკეთა. სპალეტი კვარაცხელიას სუფთა გარემარბად მიიჩნევდა, რათა დრიბლინგები გაეკეთებინა, გარსიას ხელში უფრო ცენტრში თამაშობს და შეიძლება გახდეს ნასხლეტი, რომლის თავიდან აცილება რთული იქნება”, - წერს გამოცემა.

შეგახსენებთ, რომ „ნაპოლი“ 2 სექტემბერს, საკუთარ მოედანზე რომის „ლაციოს“ უმასპინძლებს.