საქართველოს ნაკრების კალათბურთელებმა თორნიკე შენგელიამ და გიორგი შერმადინმა კაბო ვერდესთან მატჩამდე კომენტარი გააკეთეს. როგორც მათ აღნიშნეს, მზად არიან ხვალინდელი შეხვედრისთვის და გადამწყვეტი დაცვა იქნება.

თორნიკე შენგელია: „ბოლო ვარჯიში ჩავატარეთ პირველ მატჩამდე. ძალიან ფიზიკურ თამაშს ველოდებით, ვიცით, რომ სწრაფად თამაშობენ და გარედან კარგად ესვრიან, ყველანაირად მზად ვართ ამისთვის. ყველას ძალიან გვიხარია, რომ აქ ვართ და ერთი სული გვაქვს, რომ ტურნირი დაიწყოს.

გიორგი შერმადინი: „დიდი ხანია ვემზადებით მსოფლიოს ჩემპიონატისთვის. ძალიან კარგი გუნდია კაბო ვერდე, ტავარეშის სახით ერთ-ერთი საუკეთესო ცენტრიც ჰყავთ. ჩემი აზრით, მზად ვართ ამ მნიშვნელოვანი მატჩისთვის. ყველამ ვიცით, რომ სწრაფ კალათბურთს თამაშობენ, ბევრ სამქულიანს ესვრიან და ჩვენი მიზანია მათი შეტევები გავაჩეროთ. ხვალინდელ თამაშში დაცვა იქნება გადამწყვეტი“.

შეგახსენებთ, რომ საქართველოსა და კაბო ვერდეს შეხვედრა 26 აგვისტოს, თბილისის დროით 12:00 საათზე გაიმართება.