ბირმინგემში მიმდინარე პარა ძიუდოისტთა მსოფლიოს ჩემპიონატზე ლაშა ყიზილაშვილმა და რევაზ ჩიკოიძემ ბრინჯაოს მედლები მოიპოვეს.
ჩიკოიძემ (+90 კგ) ბრიტანელ და უზბეკ მოწინააღმდეგეებს სძლია, ნახევარფინალში თურქ მეტოქესთან დამარცხდა, მესამე ადგილისთვის ბრძოლა კი კუბელ პარასპორტსმენს მოუგო.
ასევე ბრინჯაოს მედალს დაეუფლა 90 კგ წონით კატეგორიაში ლაშა ყიზილაშვილი.
საქართველოს პარა ძიუდოს ნაკრები მსოფლიო ჩემპიონატზე ასპარეზობას 25 აგვისტოს გუნდური შეჯიბრით დაასრულებს.
