ვატო არველაძე კარიერას „დინამო თბილისში“ გააგრძელებს. ქართველი ფორვარდი თბილისურ გუნდს თავისუფალი აგენტის სტატუსით შეუერთდა. მისი ბოლო კლუბი ბაქოს ნეფთჩი გახლდათ.
აზერბაიჯანულ კლუბამდე არველაძეს თბილისის ლოკომოტივში, პოლონურ კორონასა და თურქულ კარაგუმრუკში უთამაშია. იგი საქართველოს ყველა ასაკობრივი ნაკრების წევრი გახლდათ. ეროვნულ ნაკრებში მას ორი მატჩი აქვს გამართული და ერთხელ შეძლო მეტოქის კარის აღება.
მხარეებს შორის კონტრაქტი მიმდინარე სეზონის ბოლომდე გაფორმდა, ხელშეკრულება თანამშრომლობის ერთი წლით გაგრძელების შესაძლებლობასაც მოიცავს.
