იტალიურმა „ჯენოამ“, რომელიც სერია A-ში დაბრუნდა, არგენტინული წარმოშობის თავდამსხმელი მატეო რეტეგი დაიმატა.

გენუელებმა 24 წლის ფეხბურთელის ტრანსფერი საკუთარ ვებგვერდზე ოფიციალურად დაადასტურეს.

რეტეგი აქამდე „ბოკა ხუნიორსში“, „ესტუდიანტესში“, „ტალერესსა“ და „ტიგრეში“ თამაშობდა. ის პირველად ითამაშებს სერია A-ში. მატეომ ცოტა ხნის წინ იტალიის მოქალაქეობა მიიღო და „სკუადრა აძურაში“ ჩატარებულ 3 მატჩში 2 გოლი აქვს გატანილი.