„ლაიფციგმა“ ლოის ოპენდას ტრანსფერი ოფიციალურად დაადასტურა. ბელგიელი ფეხბურთელი გერმანელებმა ფრანგული „ლანსიდან“ დაიმატეს.

ოპენდა „ხარების“ ღირსებას 17-ნომრიანი მაისურით დაიცავს და მან კონტრაქტი 2028 წლის ზაფხულამდე გააფორმა.

ლუის ოპენდამ გასულ სეზონში 42 მატჩში 21 გოლი გაიტანა. მანამდე ის არნემის „ვიტესის“ და „ბრიუგეს“ წევრი იყო. ცოტა ხნის წინ კი საქართველოშიც ითამაშა, ევროპის 21-წლამდელთა ჩემპიონატზე.