„ფროზინონეს“ პრეზიდენტმა მაურიციო სტირპემ Mediaset-თან ინტერვიუში, გიორგი კვერნაძის შესახებ ისაუბრა.
როგორც იტალიური კლუბის მეპატრონემ აღნიშნა, გიორგის ძალიან ეიმედება და ასევე იმედოვნებს, რომ ხვიჩა კვარაცხელიას მსგავს გავლენას მოახდენს.
„კვერნაძე, როგორც კვარაცხელია? ამის იმედი ნამდვილად მაქვს. ჩვენთვის მნიშვნელოვანია, რომ ვიპოვოთ კარგი ფეხბურთელები. მისი დამატება ჯუნტოლისაც უნდოდა? ამაზე პასუხი არ მაქვს, მაგრამ „ნაპოლის“ რომ სდომებოდა მისი წაყვანა, ალბათ ჩვენამდეც წაიყვანდნენ, თუმცა, პასუხი არ მაქვს. ჩვენ ამ ბიჭის ძალიან გვჯერა და დროულად ვიმოქმედეთ მის ტრანსფერზე“, - თქვა სტირპემ.
შეგახსენებთ, რომ გიორგი კვერნაძე „ფროზინონეს“ ფოთის „კოლხეთიდან“ ერთწლიანი იჯარით და გამოსყიდვის უფლებით შეუერთდა. იტალიური კლუბი სერია A-ს პირველ ტურში 19 აგვისტოს „ნაპოლის“ უმასპინძლებს.
