„მანჩესტერ იუნაიტედის“ ნახევარმცველმა, სკოტ მაკტომინეიმ, შესაძლოა, კლუბი დატოვოს. ფეხბურთელით ინგლისური „ბრაიტონი“ და იტალიური „რომა" დაინტერესდნენ - წერს ტვიტერზე ჟურნალისტი ნიკოლო სკირა.

ინგლისის პრემიერლიგის 2022/2023 წლების სეზონში შოტლანდიელმა 24 მატჩი ჩაატარა და ერთი გოლი გაიტანა. 26 წლის შუახაზელს რეგულარულად იწვევენ შოტლანდიის ნაკრებში. ახლახან სწორედ მან გაუტანა მეორე გოლი საქართველოს ნაკრებს, გლაზგოში გამართულ ევროშესარჩევ მატჩში, რომელიც სქოთებმა 2:0 მოიგეს.