„მილანი“ აგრძელებს შეტევის ხაზის გასაძლიერებლად ვარიანტების ძიებას. ფრანგ თავდამსხმელთან, მარკუს ტიურამთან წარუმატებელი გარიგების შემდეგ, რომელიც თავისუფალი აგენტი გახლდათ, „როსონერი“ მადრიდის „ატლეტიკოს“ ალვარო მორატათი და „ვესტ ჰემის“ ჯანლუკა სკამაკათი დაინტერესდა - ამის შესახებ თავის ოფიციალურ ვებ-გვერდზე ჟურნალისტი ჯანლუკა დი მარციო წერს.
წყაროს ცნობით, „მილანი“ მზადაა ერთ-ერთი ზემოაღნიშნული თავდამსხმელის შესაძენად იმუშაოს. „როსონერის“ ხელმძღვანელები მოლაპარაკებების დაწყებას უახლოეს მომავალში გეგმავენ.
