მადრიდის „რეალის" ნახევარმცველ ფედერიკო ვალვერდეს ჰკითხეს, აპირებს თუ არა „ჩელსიში“ გადასვლას. ლონდონური კლუბი მისით დაინტერესდა.

„არა, არა. მე მადრიდის „რეალში" ვარ, მინდა ყოველი წამი დავაფასო. ვგეგმავ კვალი დავტოვო გუნდში, რომელიც მსოფლიოში საუკეთესოა და ასევე გავაგრძელო გულშემატკივრების ტიტულებით გახარება.“ - ციტირებს ვალვერდეს სიტყვებს Goal.

მანამდე გავრცელდა ინფორმაცია, რომ ვალვერდეს მიმართ ინტერესს „ლივერპული“ და „მანჩესტერ იუნაიტედიც“ იჩენდნენ.

2022/2023 წლების სეზონში ვალვერდემ „რეალში“ ყველა ტურნირზე 56 მატჩი ჩაატარა, 12 ბურთი გაიტანა და 7 საგოლე გადაცემა შეასრულა. მისმა გუნდმა ესპანეთის ჩემპიონატში მეორე ადგილი დაიკავა, ეროვნული თასი მოიგო და ჩემპიონთა ლიგის ნახევარფინალში გავიდა.