ფეხბურთი

12:24 | 15.06.2023 | ნანახია [] - ჯერ

მანჩინი: „ფინალურ ტურნირზე დაბრუნება იტალიისთვის დიდი მიღწევაა“

იტალიის ნაკრების მთავარმა მწვრთნელმა, რობერტო მანჩინიმ, ესპანეთთან ერთა ლიგის ნახევარფინალური მატჩის წინ აღნიშნა, რომ ტურნირის ფინალურ ეტაპზე გასვლა დიდი მიღწევაა. „სკუადრა აძურა“ ევრო 2020-ის მოგების შემდეგ, ყატარის 2022 წლის მსოფლიო ჩემპიონატზე ვერ მოხვდა.

„ფინალურ ტურნირზე დაბრუნება დიდი მიღწევაა. ჯგუფურ ეტაპზე ისეთი ძლიერი მეტოქეები გვყავდა, როგორებიც გერმანია, ინგლისი და უნგრეთი არიან. ჩვენ ნახევარფინალში გავედით და ცხადია, რომ გამარჯვება გვინდა, როგორც ყველას. მაგრამ ეს ადვილი არ იქნება.

რთული არჩევანი მომიწია. სამწუხაროდ, ვიღაც ვერ მოხვდა გუნდში, მაგრამ ყველა, ვინც აქ არის, ამას იმსახურებს.“ - ციტირებს მანჩინის სიტყვებს უეფას ოფიციალური საიტი.

ესპანეთ-იტალიის ერთა ლიგის ნახევარფინალური მატჩი დღეს, 15 ივნისს გაიმართება ენსხედეში (ნიდერლანდები) და თბილისის დროით 22:45 საათზე დაიწყება.

0.067644