გიორგი მამარდაშვილს „რეალთან“ ბენეფისი ჰქონდა და მატჩის საუკეთესო ფეხბურთელი გახდა! ქართველმა მეკარემ „სამეფო კლუბის“ დამარცხებაში უდიდესი წვლილი შეიტანა.

„ვალენსიამ“ „რეალს“ დიეგო ლოპესის პირველ ტაიმში გატანილი გოლით 1:0 მოუგო, მაგრამ ვერ მოუგებდა, რომ მამარდაშვილი, რომელმაც 5 სეივი შეასრულა და სამჯერ უბრალოდ ფანტასტიკურად ითამაშა. მან განსაკუთრებით ზღაპრული დარტყმები ფედერიკო ვალვერდეს, ტონი კროოსსა და კარიმ ბენზემას აუღო. აღსანიშნავია, რომ მატჩი ორჯერ შეწყდა, იყო მადრიდელ ფეხბურთელებსა და ადგილობრივ ფანებს შორის ჩხუბი, მერე ფეხბურთელებში, საბოლოოდ კი რუბენ ბარახას გუნდმა სასიცოცხლო მნიშვნელობის 3 ქულა მოიპოვა.

გიორგი მამარდაშვილი ლა ლიგამ მატჩის საუკეთესო ფეხბურთელად დაასახელა, სრულიად დამსახურებულად. გიორგიმ მიმდინარე სეზონში კარი მშრალად მეშვიდედ შეინახა.

„ვალენსიამ“ 40 ქულა დააგროვა, მე-13 ადგილზეა და გასავარდნ ზონას სეზონის დასრულებამდე 3 ტურით ადრე 5 ქულით უსწრებს. ამრიგად, ლა ლიგაში დარჩენის საკითხი პრაქტიკულად გადაჭრა. „ღამურები“ მომდევნო ტურში „მალიორკას“ 25 მაისს ესტუმრებიან.