მარსელო ბიელსა ურუგვაის ნაკრების მთავარი მწვრთნელია. ინფორმაცია ურუგვაის საფეხბურთო ასოციაციამ ოფიციალურად დაადასტურა.

მხარეებს შორის კონტრაქტი 2026 წლის ბოლომდე გაფორმდა. „ელ ლოკო“ „სელესტეს“ მსოფლიოს ჩემპიონატის ფინალურ ეტაპზე გაყვანას ეცდება.

ბიელსა 1998-2004 წლებში არგენტინის, ხოლო 2007-2011 წლებში ჩილეს ნაკრების თავკაცი იყო. 2018-2022 წლებში ის „ლიდს იუნაიტედში“ მუშაობდა. აღსანიშნავია, რომ ურუგვაის ნაკრების ისტორიაში ბიელსა სულ მეორე უცხოელი მწვრთნელია. პირველად ეს პატივი დანიელ პასარელას ერგო, რომელიც ურუგვაიში 1999-2001 წლებში მუშაობდა.