იტალიის ახალი ჩემპიონი „ნაპოლი“ სეზონის დასრულების შემდეგ სავარაუდოდ, სამხრეთკორეაში, მინი-ტურნეში გაემგზავრება, რომელიც 5-6 დღე გაგრძელდება.

ნეაპოლური მედიის ცნობით, „აძური“ კიმ მინ-ჯეს სამშობლოში 8-10 ივნისს ესპანური „მალიორკას“ წინააღმდეგ ამხანაგურ მატჩებს ჩაატარებს. „მალიორკას“ რიგებშიც თამაშობს სამხრეთკორეელი ფეხბურთელი - კან ინ ლი.

აღსანიშნავია, რომ თუ ეს ინფორმაცია დადასტურდა, გამოდის, რომ ხვიჩა კვარაცხელიას სანაკრებო შეკრებამდე კორეაში გუნდთან ერთად წასვლა მოუწევს. სერია A-ს სეზონი თავის მხრივ 4 ივნისს სრულდება.

თუმცა, სამხრეთ კორეის ფეხბურთის ფედერაციამ ეს ინფორმაცია უარყო. როგორც განცხადებაშია აღნიშნული, ტურნეს შესახებ მათ არანაირი ოფიციალური შეთავაზება არ მიუღიათ, თანაც 10 ივნისს, სამხრეთ კორეის ჩემპიონატის ტურია ჩანიშნული.