ლეგენდარულმა იტალიელმა ფეხბურთელმა ფაბიო კანავარომ „ნაპოლის“ შესახებ ისაუბრა. როგორც მან აღნიშნა, აურელიო დე ლაურენტისმა გუნდი არ უნდა დაშალოს და პირიქით, ეს ფეხბურთელები და მენეჯმენტი უნდა შეინარჩუნოს.
„ძალიან დიდი დრო იყო გასული „ნაპოლის“ ბოლო სკუდეტოდან, ამიტომ, ეს ფანტასტიკური მომენტი იყო ქალაქისთვის. ძალიან ლამაზი სანახავია მოზეიმე ხალხი. აურელიო დე ლაურენტისის მენეჯმენტმა გაიგო, რომ გამარჯვება მშვენიერია, იმედი მაქვს, რომ ახლა ეს პროექტი გაგრძელდება და სხვა პრესტიჟული მიღწევებიც იქნება. დე ლაურენტისმა უნდა ეცადოს მთელი გუნდის შენარჩუნებას, არა მხოლოდ ლუჩანო სპალეტის, მაგრამ ასევე კრისტიანო ჯუნტოლისაც. ეს გუნდი უნდა შენარჩუნდეს და არ უნდა დაიშალოს, - თქვა კანავარომ.
შეგახსენებთ, რომ ნეაპოლელმა ფაბიო კანავარომ საფეხბურთო კარიერია სწორედ „ნაპოლიში“ დაიწყო, სადაც 1992-1995 წლებში თამაშობდა.
