„ნაპოლის“ მთავარმა მწვრთნელმა ლუჩანო სპალეტიმ „ფიორენტინასთან“ მატჩის შემდეგ კომენტარი გააკეთა. როგორც მან თქვა, რთული მატჩი იყო, მაგრამ მისმა გუნდმა ძლიერი ხასიათი კიდევ ერთხელ გამოავლინა.

„დღეს ადვილი არ იყო ისეთი ძლიერი მეტოქის დამარცხება, როგორიც „ფიორენტინაა“, მაგრამ ჩემი გუნდი აგრძელებს იმის ჩვენებას, რომ გამოიმუშავა ძლიერი ხასიათი და მენტალიტეტი. დიდი ძალისხმევა დაგვჭირდა ზრდისა და ამ საოცარი გზის გასავლელად. ეს არის უზარმაზარი სკუდეტო ყველაფერი იმის გამო, რაც ვაჩვენეთ.

ყოველთვის უნდა ისწავლო, რადგან როდესაც ცოდნისადმი ცნობისმოყვარეობა ქრება, პროფესიონალურად ვკვდებით. ყოველთვის არსებობს გზა რაღაცის უკეთესად გასაკეთებლად. მე არასდროს ვჩერდები, თუნდაც იმიტომ, რომ უამრავი ახალგაზრდა და კარგი მწვრთნელია, ვინჩენცო იტალიანოც ამის მაგალითია.

მომავალზე სეზონის ბოლოს ვისაუბრებთ, დარჩენილი გვაქვს 4 მატჩი, რომლებსაც პატივი უნდა ვცეთ და მინდა, სათამაშო დრო ყველას მივცე, რადგან ამ გუნდს ჰყავს განსაკუთრებული მოთამაშეები, თუნდაც ადამიანური თვალსაზრისით.

დე ლაურენტისთან დიალოგი რატომ უნდა განვაახლო? როდის შეწყდა? დიალოგი ყოველთვის არსებობს. ჩემი აზრით, საუბარი ყოველთვის საჭიროა, რათა გავარკვიოთ, რა არის უკეთესი „ნაპოლისთვის“, - თქვა სპალეტიმ.

შეგახსენებთ, რომ „ნაპოლის“ 83 ქულა აქვს და უკვე ჩემპიონია, მომდევნო მატჩს კი 14 მაისს სტუმრად „მონცასთან“ ჩაატარებს.