„ნაპოლის“ ფეხბურთელმა ხვიჩა კვარაცხელიამ სოციალურ ქსელში პირველი პოსტი გამოაქვეყნა იტალიის ჩემპიონობის შემდეგ. როგორც 22 წლის შემტევმა დაწერა, ოცნებები ხდება.
„თუ ოცნება შეგიძლია, შეგიძლია აიხდინო კიდეც. ოცნებები ხდება. მადლობა ღმერთს ყველაფრისთვის, ფორცა „ნაპოლი!“ - წერს კვარა სოციალურ ქსელში.
შეგახსენებთ, რომ ხვიჩა კვარაცხელია მეორე ქართველი ფეხბურთელია კახა კალაძის შემდეგ, რომელმაც იტალიის ჩემპიონის ტიტული მოიგო. კალაძემ ეს 2004 წელს გააკეთა.
