„იანგ ბოისი“ შვეიცარიის ჩემპიონი გახდა. ბერნელებმა 31-ე ტურში „ლუცერნი“ 5:1 გაანადგურეს და ტიტული ოფიციალურად გაიფორმეს.

„იანგ ბოისი“ 64 ქულით პირველ ადგილზეა და უახლოეს მდევარ „ლუგანოს“ 18 ქულით უსწრებს, რომელიც მას ნამდვილად ვეღარ დაეწევა.

„იანგ ბოისი“ შვეიცარიის ჩემპიონი ისტორიაში მე-16-ედ გახდა, ბოლო ექვს სეზონში კი მეხუთედ. არადა, 2018 წლამდე ბერნის გუნდი ჩემპიონობას 32 წლის განმავლობაში ვერ ახერხებდა.