„ფერარის“ შარლ ლეკლერმა აზერბაიჯანის დიდი პრიზის საკვალიფიკაციო რბოლა მოიგო. ეს ბაქოში მისი ზედიზედ მესამე პოულია, რითაც საკვალიფიკაციო რბოლებში, „რედ ბულის“ პილოტების ჰეგემონია დაამხო და იტალიურ გუნდს ამ სეზონში პირველი პოული მოუპოვა.
კვირის რბოლის სტარტზე, ლეკლერის გვერდით ჩემპიონატის ლიდერი, მაქს ფერსტაპენი დადგება. მესამე დრო კი მის თანაგუნდელ სერხიო პერესს ჰქონდა.
შაბათს სპრინტ რბოლა გაიმრთება, რომლის სასტარტო განლაგებასაც, სპრინტის მინი კვალიფიკაცია გაარკვევს. ახალი ფორმატის შესაბამისად, რომელიც სწორედ აზერბაიჯანის ეტაპზე ამოქმედდება, სპრინტის შედეგები, კვირის რბოლის სასტარტო განლაგებას აღარ განსაზღვრავს.
კვალიფიკაციის გადამწყვეტ ფაზაში, ლეკლერმა და ფერსტაპენმა იდენტური დრო - წუთი და 40.445 წამი აჩვენეს. მაგრამ ცხრილში პირველ პოზიციაზე ჰოლანდიელი განლაგდა, რადგან დრო პირველმა მან დააფიქსირა.
მეორე ცდაზე ლეკლერმა პირველმა სცადა ბედი. მისი შედეგი წინაზე უკეთესი - 1:40.203 აღმოჩნდა. პირველი დრო ფერსტაპენმაც გააუმჯობესა, მაგრამ „ფერარის“ პილოტს 0.188 წამით ჩამორჩა.
სტარტზე პერესის გვერდზე კარლოს საინსი განლაგდება, მათ უკან კი ადგილებს ლუის ჰამილტონი და ფერნანდო ალონსო დაიკავებენ. საინტერესოა, რომ კვალიფიკაციის მეორე ნაწილში, ჰამილტონმა მხოლოდ 0.004 წამით აჯობა თანაგუნდელ ჯორჯ რასელს, ვინც ამის გამო, ათეულს მიღმა დარჩა.
აზერბაიჯანის დიდი პრიზი
კვალიფიკაცია
- შარლ ლეკლერი (მონაკო, ფერარი) 1:40.203
- მაქს ფერსტაპენი (ჰოლანდია, რედ ბული) 1:40.391
- სერხიო პერესი (მექსიკა, რედ ბული) 1:40.495
- კარლოს საინსი (ესპანეთი, ფერარი) 1:41.016
- ლუის ჰამილტონი (ბრიტანეთი, მერსედესი) 1:41.177
- ფერნანდო ალონსო (ესპანეთი, ასტონ მარტინი) 1:41.253
- ლანდო ნორისი (ბრიტანეთი, მაკლარენი) 1:41.281
- იუკი ცუნოდა (იაპონია, ალფატაური) 1:41.581
- ლანს სტროლი (კანადა, ასტონ მარტინი) 1:41.611
- ოსკარ პიასტრი (ავსტრალია, მაკლარენი) 1:41.611
- ჯორჯ რასელი (ბრიტანეთი, მერსედესი) 1:41.654
- ესტებან ოკონი (საფრანგეთი, ალპინი) 1:41.798
- ალექს ელბონი (ტაილანდი, უილიამსი) 1:41.818
- ვალტერი ბოტასი (ფინეთი, ალფა რომეო) 1:42.259
- ლოგან სარჯენტი (აშშ, ულიამსი) 1:42.395
- გუანიუ ჟოუ (ჩინეთი, ალფა რომეო) 1:42.642
- ნიკო ჰულკენბერგი (გერმანია, ჰაასი) 1:42.755
- კევინ მაგნუსენი (დანია, ჰაასი) 1:43.417
- პიერ გასლი (საფრანგეთი, ალპინი) 1:44.853
- ნიკ დე ფრისი (ჰოლანდია, ალფატაური) 1:55.282
