„მილანს“ შესაძლოა ჩემპიონთა ლიგის მეოთხედფინალში „ნაპოლის“ წინააღმდეგ ოლივიე ჟირუ ვერ დაეხმაროს.

Gazzetta Dello Sport-ის ცნობით, ფრანგ ფეხბურთელს აქილევსის მყესის ტრავმა აქვს და ჯერჯერობით, მისი მოედანზე გასვლა საეჭვოა. ყველაფერი უახლოეს საათებში უნდა გადაწყდეს.

ჟირუ თამაში თუ ვერ მოახერხებს, სტეფანო პიოლის მისი შეცვლა დივოკ ორიგით მოუწევს. თუმცა, ოლივიემ დღეს გუნდთან ერთად ივარჯიშა და უფრო დიდი შანსია, რომ მოედანზე იყოს, ვიდრე მატჩი გამოტოვოს.

შეგახსენებთ, რომ „ნაპოლისა“ და „მილანის“ მატჩი 18 აპრილს, თბილისის დროით 23:00 საათზე გაიმართება.