ვეტერანმა ინგლისელმა ფეხბურთელმა პოლ გასკოინმა განაცხადა, რომ არაფრის ეშინია. როგორც მან აღნიშნა, რამდენჯერმე გარდაიცვალა კიდეც.

„არაფრის მეშინია იმ ყველაფრის გათვალისწინებით, რაც ჩემი ცხოვრების განმავლობაში გავიარე. 36 ქირურგიული ოპერაცია მაქვს გაკეთებული, რამდენჯერმე მოვკვდი, 18 დღე კომაში ვიყავი. ხალხი ამბობს, რომ კატაზე მეტი სიცოცხლე მაქვს“, - თქვა გასკოინმა.

შეგახსენებთ, რომ პოლ გასკოინმა ინგლისის ნაკრებში 1988-1998 წლებში 57 მატჩში 10 გოლი გაიტანა. მან კარიერის განმავლობაში „ნიუკასლში“, „ტოტენჰემში“, „ლაციოში“, „რეინჯერსში“, „მილდსბროში“, „ევერტონსა“ და „ბარნლიში“ ითამაშა.