მადრიდის „რეალის“ მთავარმა მწვრთნელმა კარლო ანჩელოტიმ „ჩელსისთან“ მატჩის წინ პრესკონფერენცია გამართა. როგორც მან განაცხადა, ეს არ არის გადამწყვეტი თამაში, რადგან ყველაფერს საპასუხო დაპირისპირება გადაწყვეტს.

„ვინც მოიგებს, დამსახურებულად გაიმარჯვებს, როგორც შარშან ჩვენ დავიმსახურეთ გამარჯვება, რადგან წამითაც არ დავნებდით. ხვალ არ იქნება გადამწყვეტი თამაში, თუმცა მეორე მატჩისთვის ნიადაგის მომზადება შეგვიძლია. ჩვენი გამარჯვებები არა მენეჯმენტის, არამედ იმის დამსახურებაა, რომ სხვებზე უკეთ ვთამაშობთ.

ეს არის ნამდვილი კაცებისგან შემდგარი ჯგუფი, რომლის მართვა ძალიან ადვილია. მეც კარგად ვუმკლავდები ამ ყველაფერს, რადგან იცით, ჯგუფთან ჩემი მუშაობის უნარები. ესპანეთის თასს თუ მოვიგებთ, ბოლო ორ სეზონში ყველა შესაძლო ტიტული გვექნება მოგებული, ამ დროს კი არსებობენ გუნდები, რომლებიც ყველა ტიტულს მთელი ისტორიის განმავლობაში ვერ იგებენ.

ჩემთვის სამწუხაროა „ჩელსის“ კრიზისში ყოფნა, რადგან ეს კლუბი მიყვარს, იქ კარგი დრო გავატარე. თუმცა, დაბრუნებას გამორიცხავ, თუნდაც იმიტომ, რომ მჯერა, ლამპარდი საქმეს თავს მშვენივრად გაართმევს“, - თქვა ანჩელოტიმ.

შეგახსენებთ, რომ „რეალისა“ და „ჩელსის“ მატჩი 12 აპრილს, თბილისის დროით 23:00 საათზე გაიმართება.