პორტუგალიელი ფეხბურთელი ნაკრებში ჩატარებული მატჩების რაოდენობით ყველა დროის რეკორდსმენი გახდა, ამ ამბის აღსანიშნავად, კი „ალ ნასრმა“ მას სპეციალური ტორტი დაუმზადა.



ლიხტენშტეინთან გამართულ ევრო 2024-ის საკვალიფიკაციო ეტაპის მატჩში კრიშტიანუ რონალდუმ ქუვეითელ ბადერ ალ-მუტავას გადაასწრო და ეროვნულ ნაკრებში ჩატარებული მატჩებით რეკორდი დაამყარა.

საუდის არაბეთში, „ალ ნასრში“ დაბრუნებისას, კლუბმა ფეხბურთელს საჩუქარი გაუკეთა და მისი გამოსახულებიანი ტორტი დაახვედრა. გარდა რონალდუსადმი მიძღვნილი საჩუქრისა, „ალ ნასრმა“ ტორტი ახალგაზრდა ფეხბურთელს, აბდულრაჰმან გარიბსაც გაუკეთა, რომელსაც დაბადების დღე ჰქონდა.



შეგახსენებთ, რომ კრიშტიანუ რონალდუ „ალ ნასრში“ ახალი წლიდან თამაშობს. პორტუგალიელმა შემტევმა უკვე მოასწრო ახალ გუნდში 10 მატჩის ჩატარება, რომელშიც 9 გოლი გაიტანა.