საქართველოს ნაკრების მეკარე გიორგი ლორია გამოჯანმრთელდა და სამკვირიანი უქმობის შემდეგ ითამაშა. კვიპროსის თასის მეოთხედფინალის საპასუხო მატჩში „ანორთოსისი“ ნიქოზიის „ოლიმპიაკოსს“ შინ დაუზავდა (1:1), ლორიამ კი შეუცვლელად ითამაშა.

გიორგიმ ტრავმა 9 თებერვალს მიიღო და მას შემდეგ პირველად ითამაშა. ეს კარგი სიახლეა, რადგან სანაკრებო მატჩები ახლოვდება.

„ანორთოსისს“ პირველი შეხვედრა სტუმრად წაგებული ჰქონდა, შესაბამისად, ორი მატჩის ჯამში 2:3 დამარცხდა და ასპარეზობას გამოეთიშა.

აქვე გეტყვით, რომ გიორგი ლორიას მიმდინარე სეზონში ყველა ტურნირზე 23 მატჩი აქვს ჩატარებული. საქართველოს ნაკრები 25 მარტს მონღოლეთს ამხანაგურ მატჩში, ხოლო 28 მარტს ნორვეგიას ევრო 2024-ის შესარჩევ ეტაპზე დაუპირისპირდება.