„სასუოლოს“ მთავარმა მწვრთნელმა ალესიო დიონიზიმ „ნაპოლის“ შესახებ ისაუბრა. „ნეროვერდი“ მომდევნო ტურში 17 თებერვალს, სწორედ ლუჩანო სპალეტის გუნდს შეხვდება და ამიტომაც, მას „აძურის“ შესახებ კომენტარის გაკეთება მოუწია.

„ამჟამად „ნაპოლის“ წინააღმდეგ თამაში თითქმის შეუძლებელია, რადგან გარდა იმისა, რომ ძალიან ძლიერები არიან, თავდაჯერებულობაც აქვთ. ვიმედოვნებთ, რომ ყველა ფეხბურთელი ჯანმრთელი გვეყოლება. ვიცით, რომ თითქმის შეუძლებელი მისიის წინაშე ვართ, მაგრამ ისე ვითამაშებთ, როგორც ყოველთვის“, - თქვა დიონიზიმ.

აქვე გეტყვით, რომ პირველ წრეში „ნაპოლიმ“ „სასუოლო“ 4:0 გაანადგურა, ხვიჩა კვარაცხელიამ კი გოლი გაიტანა და 2 საგოლე პასი გააკეთა.