„მანჩესტერ იუნაიტედის“ მეკარე დავიდ დე ხეამ „ლიდსთან“ დღევანდელ შეხვედრაში ითამაშა და რამდენიმე რეკორდის ავტორი გახდა.

დე ხეა ყველაზე ახალგაზრდა მეკარეა, რომელმაც პრემიერლიგაში 400 თამაში ჩაატარა - 32 წლის და 97 დღის. გარდა ამისა, „მანჩესტერის“ პირველი მეკარეა, რომელმაც ამ ნიშნულს მიაღწია (მხოლოდ პრემიერლიგაში).

დავიდი ასევე პირველი არაბრიტანელი მოთამაშეა, რომელმაც პრემიერლიგაში მინიმუმ 400-ჯერ ითამაშა.

შეგახსენებთ, რომ დავიდ დე ხეა „მანჩესტერ იუნაიტედის“ ღირსებას 2011 წლიდან იცავს. ესპანელი მეკარე მანამდე სამშობლოში, მადრიდის „ატლეტიკოს“ კარს იცავდა.