იტალიური გამოცემა Corriere del mezzogiorno წერს, რომ „ნაპოლი“ ხვიჩა კვარაცხელიას დამდეგ ზაფხულს არანაირ ფასად არ გაყიდის.

წყაროს თანახმად, აურელიო დე ლაურენტისს ფეხბურთელის მინიმუმ ერთი სეზონით შენარჩუნება გადაწყვეტილი აქვს.

„ქართველი თავდამსხმელი, რომელიც თავის ქვეყანაში კერპია, იმდენად გასაოცრად თამაშობს, რომ ნეაპოლიტანელთა გულში უკვე შევიდა. არავინ მოელოდა სერია A-ში ასეთ დამანგრეველ გავლენას. აურელიო დე ლაურენტისი მას ასე მარტივად არ გაუშვებს და Bild-თან ბოლო ინტერვიუში დაადასტურა, რომ დიდი შემოთავაზების შემთხვევაშიც არ შეელევა“, - წერს გამოცემა.

თავის მხრივ, ცნობილია, რომ ხვიჩა კვარაცხელია და „ნაპოლი“ კონტრაქტის განახლებისა და ხელფასის გაუმჯობესების საკითხზე მოლაპარაკებებს აწარმოებენ. მიმდინარე სეზონში ქართველმა ფეხბურთელმა ყველა ტურნირზე 22 მატჩში 10 გოლი გაიტანა, 12 საგოლე პასი გააკეთა და სამჯერ პენალტი მოიპოვა.