საქართველოს თავისუფალი სტილით მოჭიდავეთა ნაკრებმა 2023 წლის პირველ სარეიტინგო საერთაშორისო ტურნირზე იასპარეზა. ქართველმა მოჭიდავეებმა ხორვატიის დედაქალაქ ზაგრებში გამართულ შეჯიბრებაში 5 მედლის მოპოვება მოახერხეს.
საუკეთესო შედეგი ავთანდილ კენჭაძემ და მირიან მაისურაძემ აჩვენეს, რომლებიც 79 და 92 კილოგრამ წონით კატეგორიებში ვერცხლის პრიზიორები გახდნენ.
გადამწყვეტი ბრძოლა კენჭაძემ ირანელ დავადკუხთან, ხოლო მაისურაძემ - ამერიკელ მურსთან დათმო. რაც შეეხება სხვა სპორტსმენებს, ჩვენ ქვეყანას ბრიჯაოს მედლები ბექა ბუჯიაშვილმა, გიორგი ელბაქიძემ და ვლადიმერ გამყრელიძემ მოუტანეს. გამყრელიძე ნახევარფინალიდან რეპეშაჟის ფინალში გადაერთო, სადაც ფრანგ ალეკმას შეხვდა და მარტივად 13:2 აჯობა.
