იტალიურ „მილანს“ ნახევარმცველი ისმაელ ბენასერი გამოაკლდა. ალჟირელ ფეხბურთელს ბარძაყის დაზიანება აღენიშნება.
ჯერჯერობით, ტრავმის ხარისხი უცნობია, მაგრამ მომდევნო ტურში, რომელშიც „მილანი“ „ინტერს“ დაუპირისპირდება, მისი თამაში საეჭვოა. აფრიკელი ფეხბურთელი „როსონერის“ ერთ-ერთი შეუცვლელი ფიგურაა და მისი დანაკლისი სტეფანო პიოლის გუნდისთვის სერიოზული იქნება.
შეგახსენებთ, რომ ისმაელ ბენასერი „მილანში“ 2019 წლიდან თამაშობს და დღემდე 132 მატჩში 4 გოლი გაიტანა.
