იტალიის ფეხბურთის ფედერაციის ყოფილი პრეზიდენტი კარლო ტავეკიო გარდაიცვალა. ამის შესახებ იტალიური მედია იტყობინება.
ტავეკიო 79 წლის იყო. ის იტალიის ფეხბურთის ფედერაციას 2014-2017 წლებში ხელმძღვანელობდა და პოსტი მას შემდეგ დატოვა, რაც იტალიის ნაკრები 2018 წლის მუნდიალზე ვერ მოხვდა.
მის ხელში „სკუადრა აძურას“ ორი მწვრთნელი ჰყავდა - ანტონიო კონტე და ჯამპიერო ვენტურა, მაგრამ გუნდის საუკეთესო შედეგი ევრო 2016-ზე მეოთხედფინალი იყო.
