იტალიის სერია A-ს მე-19 ტურში მილანის „ინტერმა“ საკუთარ მოედანზე „ემპოლისთან“ სენსაციური მარცხი განიცადა და პირველი წრე ცუდ განწყობაზე დაასრულა.

სიმონე ინძაგის გუნდმა შუა კვირაში იტალიის სუპერთასი მოიგო, როცა „მილანს“ 3:0 აჯობა და თითქოს კარგ ფორმაში იყო, მაგრამ „ემპოლისთან“ საშინლად ითამაშა და უქულოდ დარჩა. მე-40 წუთზე მილან შკრინიარის გაძევების შედეგად, რომელმაც მეტოქეს ფეხი თავში ჩაარტყა, მილანელები რიცხობრივ უმცირესობაში დარჩნენ.

66-ე წუთზე კი სტუმრებმა კონტრშეტევა განახორციელეს, რომელიც ტომაზო ბალდანციმ გოლით დაასრულა და „ემპოლიმ“ „სან სიროზე“ 1:0 იმარჯვა.

შედეგად, „ინტერს“ 37 ქულა აქვს და ლიდერ „ნაპოლის“ 13 ქულით ჩამორჩება. ასე რომ, ლუჩანო სპალეტის გუნდი მეორე წრეს საკმაოდ დიდი ფორით დაიწყებს, რადგან მასთან ახლოს მყოფ „მილანსაც“ 12 ქულით ნაკლები აქვს, მაგრამ მე-19 ტურის მატჩი სამშაბათს, „ლაციოსთან“ უნდა ჩაატაროს.

„ინტერი“ – „ემპოლი“ 0:1 (0:0)

გოლი: 0:1 ბალდანცი (66)