იტალიის სერია A-ში ლიდერების „ნაპოლისა“ და „იუვენტუსი“ მატჩის შემდეგ, რომელიც „პარტენოპეიმ“ დიდი ანგარიშით - 5:1 მოიგო, კომენტარი ნეაპოლელების კაპიტანმა და მცველმა დი ლორენცომაც გააკეთა.

"ტრიბუნებიდან ფანტასტიკური მხარდაჭერა გვქონდა. მოედანზე ისეთივე ატმოსფერი იყო, როგორც ტრიბუნებზე. ამ ძლიერმა კავშირმა ძალიან შორს უნდა წაგვიყვანოს და ჩემპიონობისთვის ბრძოლა გავაგრძელოთ.

ჩვენს მთავარ მწვრთნელთან ერთად ბოლო წელიწადნახევრის განმავლობაში მატჩებისადმი მიდგომა ბევრი თვალსაზრისით საგრძნობლად გავაუმჯობესეთ. იუვენტუსთან მატჩის შედეგიც მისი დამსახურებაა. ის ყოველთვის გვაძლევს დიდ მოტივაციას და საკუთარი შესაძლებლობების რწმენას. სპალეტიმ კლუბში მომგებიანი მენტალიტეტი შემოიტანა, რომელიც არ არის გამარჯვების სინონიმი, მაგრამ ყოველთვის გიბიძგებს გასცდე შენს საზღვრებს.

ჩემპიონატის პირველ ნაწილში რაღაც წარმოუდგენელი გავაკეთეთ, მაგრამ ამავე დროს თამაში იგივენაირად უნდა გავაგრძელოთ. ჯერ კიდევ ბევრი თამაში გვაქვს მოსაგები და ბევრი ქულა გვაქვს მოსაპოვებელი. ჩვენს გუნდში ყველამ იცის, რომ ბრძოლა გრძელდება“, - განაცხადა დი ლორენცომ.

შეგახსენებთ, რომ „ნაპოლი“ იტალიის ცემპიონტს 47 ქულით ლიდერობს, მომდევნო შეხვედრას კი „სალერნიტანასთან“ სტუმრად ჩაატარებს.