„ლივერპულის“ ცენტრალური მცველი, ვირჯილ ვან დაიკი „ბრენტფორდთან“ მატჩის დროს დაშავდა და როგორც ბრიტანული მედია იუწყება, შესაძლოა რამდენიმე კვირა გამოტოვოს.



მერსისაიდული გუნდის დაცვის ერთ-ერთი ლიდერი შესაძლოა გუნდს მთელი იანვრის განმავლობაში ვერ დაეხმაროს, რაც კლოპის გუნდისთვის დიდი უსიამოვნება იქნება.

„ბრენტფორდთან“ განცდილი მარცხის შემდეგ, იურგენ კლოპმა ვან დაიკის შესახებ კომენტარი გააკეთა: „ვირჯილმა კუნთზე მცირე ტკივილი იგრძნო, თუმცა თქვა, რომ თავს კარგად გრძნობდა. მე გარისკვა არ მსურდა და გუნდის ექიმების კმაყოფილნი იყვნენ“ - განაცხადა კლოპმა.

იმ შემთხვევაში, თუ ნიდერლანდელი მცველის ტრავმა მართლაც სერიოზული გამოდგა და იანვრის განმავლობაში თამაში ვერ შეძლო, ის „ვულვზთან“, „ბრაიტონთან“ და „ჩელსისთან“ დაპირისპირებებს გამოტოვებს.