პრემიერლიგის მე-17 ტურის დასკვნით მატჩში „მანჩესტერ სიტიმ“ სტუმრად „ლიდსი“ 1:3 დაამარცხა და ახლა ლიდერ „არსენალს“ 5 ქულით ჩამორჩება. მატჩის შემდეგ „ქალაქელთა“ მთავარმა მწვრთნელმა, ხოსეპ გვარდიოლამ, ჟურნალისტებს კლუბის 100-მილიონიანი შენაძენის, ჯეკ გრილიშის შესახებ გაუზიარა აზრი.

„გრილიშმა ორი საგოლე გადაცემა შეასრულა. მისი წყალობით ჩვენი შეტევები უფრო შინაარსიანი გახდა. მაგრამ ის უფრო ამბიციური უნდა იყოს. მეტი გოლები გაიტანოს და კონკურენტუნარიანობა გაზარდოს. მას ამისათვის ყველა პირობა აქვს.“ - ციტირებს ესპანელი სპეციალისტის სიტყვებს BBC.

მიმდინარე სეზონში 27 წლის გრილიშმა „სიტის“ მაისურით ყველა ტურნირის 18 მატჩში ერთი ბურთი გაიტანა და ორი საგოლე გადაცემა შეასრულა.