დონეცკის „შახტარის“ მთავარმა მწვრთნელმა იგორ იოვიჩევიჩმა გიორგი გოჩოლეიშვილზე ისაუბრა და აღნიშნა, რომ მას შეუძლია „შახტარისთვის“ სასარგებლო ფეხბურთელი იყოს.
„როდესაც მის თვისებებს დავაკვირდით, მივხვდით, რომ შეუძლია გუნდს გამოადგეს. ის სწრაფი, ძლიერი და აგრესიულია, შეტევების დასრულებაც შეუძლია, გოლების გატანა, მარჯვენა და მარცხენა ფეხით დარტყმა. უკეთეს ლიგაში გადასვლით შეუძლია პროგრესი, ვნახოთ, როგორი რეაგირება ექნება კონკურენციაზე.
ჯერ ვერ მივიჩნევ გაძლიერებად, სანამ უკრაინის მოედნებზე არ ითამაშებს. ჯერჯერობით, ის ახალწვეულია“, - თქვა იგორ იოვიჩევიჩმა.
შეგახსენებთ, რომ გიორგი გოჩოლეიშვილი დონეცკის „შახტარს“ 2023 წლის 1 იანვრიდან შეუერთდება.
