დღეს მსოფლიო ჩემპიონატით გამოწვეული პაუზის შემდეგ TOP 5 ლიგებიდან პირველი, ინგლისის პრემიერლიგა ბრუნდება.



ინგლისის პრემიერლიგის მე-17 ტური 16:30-ზე ,,ბრენტფორდისა" და ,,ტოტენჰემის" მატჩით გაიხსნება. ანტონიო კონტეს ყველაზე დიდ უკმაყოფილებას გამოხატავდა მსოფლიო ჩემპიონატის შემდეგ მხოლოდ 1-კვირიანი პაუზის დანიშვნით და ისე გამოვიდა, რომ პირველი სწორედ მისი გუნდი თამაშობს.

დღესვე, 19:00 საათზე, ოთხი თამაში გაიმართება. ,,კრისტალ პალასი" - ,,ფულემს", ,,ევერტონი" კი ახლადდანიშნული ხულიან ლოპოტეგის ,,ვულვზს" მიიღებს. ამავე დროს ერთამანეთის წინააღმდეგ, ,,ლესტერი" - ,,ნიუკასლი" და ,,საუთჰემპტონი" - ,,ბრაიტონიც" ითამაშებენ.

19 საათიანი მატჩების დასრულების შემდეგ, 21:30-ზე საქმეში იურგენ კლოპი და ,,ლივერპული" ჩაერთვებიან. ,,წითლებს" ,,ასტონ ვილას" წინააღმდეგობის" დაძლევა მოუწევთ. დღის ბოლო მატჩი კი 00:00-ზე ჩემპიონატის ლიდერ ,,არსენალსა" და ,,ვესტ ჰემს" შორის გაიმართება.

ხვალ და ზეგ კიდევ 3 მატჩია ჩანიშნული.

ამჟამინდელი მდგომარეობით, ლიგას 37 ქულით ,,არსენალი" ლიდერობს, რაც 15 წლის შემდეგ პირველად ხდება. მდევარ ,,მანჩესტერ სიტის" 32 ქულა აქვს, მესამეადგილოსან ,,ნიუკასლს" კი 30. ცხრილში მეოთხე პოზიციას ,,ტოტენჰემი" - 29 ქულით იკავებს.

რაც შეეხება გასავარდნ ზონას, მე-18 ადგილს ,,ნოტინგემ ფორესტი" იკავებს, რომელსაც 13 ქულა აქვს. მე-19 ,,საუთჰემპტონია" 12 ქულით, ცხრილს ბოლო საფეხურს კი 10 ქულით ,,ვულვერჰემპტონი" იკავებს.