„მანჩესტერ იუნაიტედმა“ შესაძლოა კრიშტიანუ რონალდუს კონტრაქტი გაუწყვიტოს. ამის შესახებ ბრიტანული მედია წერს.
The Telegraph-ის ინფორმაციით, „მანჩესტერში“ რონალდუს ინტერვიუსა და გაკეთებული განცხადებების გამო ძალიან გაბრაზდნენ, რის გამოც იურისტები უკვე მუშაობენ კონტრაქტის გაწყვეტის შესაძლებლობაზე. გამოცემის ცნობით, არც ისაა გამორიცხული, რომ „იუნაიტედმა“ 37 წლის პორტუგალიელს კონტრაქტის პირობების დარღვევისთვის უჩივლოს.
კრიშტიანუს „მანჩესტერთან“ ხელშეკრულება მიმდინარე სეზონის ბოლომდე აკავშირებს, მაგრამ ნათელია, რომ პორტუგალიელი კლუბს იანვარში დატოვებს.
შეგახსენებთ, „მანჩესტერმა“ ცოტა ხნის წინ განცხადებაც გამოაქვეყნა, რომელშიც აღნიშნული, რომ რონალდუს ინტერვიუსთან დაკავშირებით საპასუხო ზომების მისაღებად კლუბში უკვე მუშაობს. შესაძლოა, ამაში სწორედ კონტრაქტის გაწყვეტა იგულისხმება.
