მას შემდეგ, რას საფრანგეთის ნაკრების ვარჯიშზე კრისტოფერ ნკუნკუ დაშავდა, მის ნაცვლად დიდიე დეშამმა გუნდში ფრანკფურტის ,,აინტრახტის" ფორვარდი, რანდალ კოლო მუანი გამოიძახა.



,,ლაიპციგის" ფეხბურთელი ვარჯიშზე ედუარდო კამავინგასთან შეჯახების შედეგად დაახლოებით 2 თვით დაშავდა და ნაკრებს გამოაკლდა. რაც შეეხება ,,აინტრახტის" ფორვარდს, ის შესანიშნავ ფორმაში იმყოფება. კოლო მუანიმ მიმდინარე სეზონში ყველა ტურნირზე 23 მატჩი ჩაატარა, 8 გოლი გაიტანა და 11 საგოლე გადაცემაც შეასრულა.

საფრანგეთის ნაკრები მსოფლიო ჩემპიონატზე D ჯგუფში დანიის, ავსტრალიის და ტუნისის წინააღმდეგ ითამაშებს. დეშამის გუნდი პირველ მატჩს 22 ნოემბერს, ავსტრალიის წინააღმდეგ ჩაატარებს.