„ნაპოლის“ კაპიტანი, ჯოვანი დი ლორენცო, ჟურნალისტებს სამხრეთიტალიური კლუბის საჩემპიონო პერსპექტივებზე ესაუბრა.

„გულშემატკივრებს ლამაზ ფეხბურთს ვჩუქნით და ასე უნდა გავაგრძელოთ. ვფიქრობ, ეს მთლიანად იტალიური ფეხბურთისთვისაა კარგი. მარადონასავით სკუდეტოს კაპიტნის რანგში მოგება ფანტასტიკური იქნებოდა, მაგრამ წინ ჯერ ბევრი ტურია, ძალიან ბევრი.“ - ციტირებს დი ლორენცოს სიტყვებს pianetamilan.it.

შეგახსენებთ, რომ ხვიჩა კვარაცხელიას „ნაპოლი“ 15 ტურის შემდეგ, 41 ქულით დამაჯერებლად ლიდერობს სერია A-ს ცხრილს და უშუალო მდევარ „მილანს“ რვა ქულით უსწრებს.