„მანჩესტერ იუნაიტედისა“ და პორტუგალიის ნაკრების ფეხბურთელმა ბრუნო ფერნანდეშმა კატარში გასამართ მსოფლიოს ჩემპიონატზე ისაუბრა და კრიტიკული განწყობა არ დაუმალავს.
როგორც ბრუნომ აღნიშნა, კატარში მუნდიალის ჩატარება კარგი არ არის და ფეხბურთელები უკმაყოფილონი არიან.
„ახლა არ არის ის მომენტი, როდესაც მსოფლიოს ჩემპიონატზე თამაში გვინდა. ვფიქრობ, ეს ეხება ყველას, ფეხბურთელებს და გულშემატკივრებს. ბავშვები სკოლაში იქნებიან, ხალხი იმუშავებს და მატჩების საყურებლადაც იდეალური დრო არ არის.
ვიცით მსოფლიოს ჩემპიონატის კონტურები, რაც მოხდა ბოლო კვირეებსა თუ თვეებში, ამ ყველაფრით კმაყოფილები არ ვართ. გვინდა, ფეხბურთი ყველასთვის იყოს, ყველა უნდა იყოს ჩართული, რადგან მსოფლიოს ჩემპიონატი ყველასია. ეს უნდა იყოს გულშემატკივრებისთვის დღესასწაული, ფეხბურთელებისთვის, რაღაც, რასაც სიხარული მოაქვს და უკეთესად ორგანიზებული იყოს. ვიცით, რომ სტადიონების მშენებლობაზე ბევრი ადამიანი დაიღუპა, ასეთი რაღაცები არასდროს უნდა ხდებოდეს“, - თქვა ბრუნო ფერნანდეშმა.
