ვეტერანმა ქართველმა ფეხბურთელმა შოთა არველაძემ რომში, „სტადიო ოლიმპიკოზე“ დიეგო მარადონასადმი მიძღვნილ საქველმოქმედო ლეგენდების მატჩში ითამაშა და 2 გოლი გაიტანა.

არველაძემ მოედანზე პირველი ტაიმი გაატარა და ანგარიში მერვე წუთზე გახსნა, ხოლო 21-ე წუთზე დუბლი შეასრულა და თავისი გუნდი 3:1 დააწინაურა. შოთა „თეთრი გუნდის“ (სკუადრა ბიანკა) რიგებში თამაშობდა, რომელიც „ცისფერი გუნდის“ (სკუადრა აძურა) წინააღმდეგ 3:4 დამარცხდა.

„სკუადრა ბიანკას“ შემადგენლობა: რიკარდო, საბალეტა, ბურდისო, აბიდალი, კანდელა, რაკიტიჩი, რონალდინიო, მხითარიანი, სტოიჩკოვი, ალმეიდა, არველაძე.

შეცვლაზე ითამაშეს: ვაინდეფელერი, ოსვალდო, გალანტე, ძუკულინი, ზე მარია, ვალიეხო, მარადონა ჯუნიორი, როდრიგესი, დომინგესი, ლეგროტალიე

„სკუადრა აძურას“ შემადგენლობა: ფრეი, ბრუნო ალვეში, ფერარა, ძაკარდო, ინლერი, პეროტი, დი ბიაჯო, კანიჯა, იმობილე, კლოზე, დი ნატალე

შეცვლაზე ითამაშეს: პერეირა, კუფრე, ჟორჟე ანდრადე, ვორონინი, ბენარივო, ძაკანი, კატალდი, კოლონეზე, იაკუინტა.

აქვე გეტყვით, რომ შოთა არველაძის დარად დუბლი შეასრულა ანდრეი ვორონინმა, თითო გოლი კი უგო ალმეიდას, ანტონიო დი ნატალესა და ვინჩენცო იაკუინტას ანგარიშზეა.