მილანის „ინტერის“ ყოფილმა ფეხბურთელმა ნიკოლა ვენტოლამ „ნაპოლისა“ და ხვიჩა კვარაცხელიას შესახებ კომენტარი გააკეთა. როგორც მან თქვა, ქართველი ფეხბურთელი ნეაპოლში ალბათ მთვარიდან მოხვდა, რადგან წარმოუდგენლად თამაშობს.
„ნაპოლის“ შესახებ რა ვთქვა, აღარ ვიცი, ოსიმენი არის ცხენი, ხარი, პანტერა, ლომი. აღარ ვიცი, როგორ დავახასიათო (იცინის - რედ) აღფრთოვანებული ვარ „ნაპოლით“, ყოველი თამაში სპექტაკლია. კვარაცხელია? არ ვიცი საიდან მოვიდა, შეიძლება მთვარიდან. არ ვიცი, „ნაპოლი“ ასე თამაშს გააგრძელებს თუ არა, მაგრამ იმედი მაქვს, რომ გააგრძელებს, რადგან ნამდვილი სანახაობაა, ტაქტიკურადაც და ტექნიკურადაც“, - თქვა ვენტოლამ.
