ლონდონის „არსენალის“ თავდამსხმელმა, გაბრიელ ჟეზუსმა, ჟურნალისტებს უთხრა, რომ მზადაა სეზონში 70 მატჩი ითამაშოს.

„შეხვედრების შემდეგ აღდგენის პროცესი კარგად მიმდინარეობს. ჩინებულად მძინავს, ვიკვებები და ვტკბები ცხოვრებით „არსენალში.“ შემიძლია 60-70 მატჩი ვითამაშო სეზონში.

ვფიქრობ, დიდი ენერგიის მოთამაშე ვარ. ყოველთვის დავრბივარ, ვიბრძვი. მაგრამ როცა საკასთან და მარტინელისთან ერთად ვვარჯიშობ, ვხვდები, რომ მათთან ახლოსაც არ ვარ. ისინი უბრალოდ არ ჩერდებიან. ნამდვილი მანქანები არიან. არადა ჯერ 21 წლისები გახლავან.“ - ციტირებს ბრაზილიელი შემტევის სიტყვებს Reuters.