ხვიჩა კვარაცხელიამ „ნაპოლიში“ მორიგი ბრწყინვალე თამაში ჩაატარა და ამჯერად გუნდს საგოლე პასით დაეხმარა. „ბოლონიასთან“ შეხვედრა ლუჩანო სპალეტის გუნდმა 3:2 მოიგო, ხოლო მისი პასით გამარჯვების გოლი ვიქტორ ოსიმენმა გაიტანა.

სწორედ ნიგერიელმა ქართველ ფეხბურთელზე თამაშის შემდეგ კომენტარი გააკეთა და აღნიშნა, რომ ხვიჩა ვარჯიშებზე ბევრად მაგრად თამაშობს.

„კვარა ჩვენც თუ გვაოცებს? მიხარია მის გამო, რადგან იმსახურებს იმას, რაც მის გარშემო ხდება. თუმცა, ჯერ არაფერი გინახავთ, რადგან ვარჯიშებზე ამაზე ბევრად უკეთესია“, - თქვა ოსიმენმა.

შეგახსენებთ, რომ ხვიჩა კვარაცხელიას მიმდინარე სეზონში 14 მატჩში 7 გოლი, 6 საგოლე პასი და 3 მოპოვებული პენალტი აქვს აქტივში. „ნაპოლი“ მომდევნო მატჩს „რომას“ წინააღმდეგ ჩაატარებს.