ვეტერანმა იტალიელმა ფეხბურთელმა ანტონიო კასანომ ხვიჩა კვარაცხელია კიდევ ერთხელ შეაქო. ის პრაქტიკულად შანსს ხელიდან არ უშვებს და ყოველი მატჩის შემდეგ ქართველ შემტევზე ძალიან დადებითად საუბრობს.

„ნაპოლი“ ძალიან კარგად მოიქცა, რომ ის დაიმატა, მაგრამ სიგიჟეა ის, რომ არცერთ კლუბს არ უფიქრია მისი ყიდვა. ის ჩემზე შთაბეჭდილებას ახდენს, მას არ ვიცნობდი და არ ვიცი, რა ეპითეტით დავახასიათო. ის ძლიერია ყველა კომპონენტში, ორივე ფეხით თამაშში, ჩემთვის ფენომენალური მოთამაშეა“, - თქვა კასანომ.

შეგახსენებთ, ხვიჩა კვარაცხელიას მიმდინარე სეზონში ჩატარებულ 12 მატჩში 6 გოლი, 4 საგოლე პასი და 3 მოპოვებული პენალტი აქვს თავის ანგარიშზე.