საქართველოს ეროვნული ნაკრები ფიფას რეიტინგში პროგრესს განაგრძობს და ამჯერად ოთხი საფეხურით დაწინაურდა.

სექტემბრის მატჩების შემდეგ ფიფამ რეიტინგი განაახლა, რომლის მიხედვით საქართველომ 82-ე პოზიციიდან 78-ე ადგილზე გადაინაცვლა. ვილი სანიოლის გუნდს ჩრდილოეთ მაკედონიასა (2:0) და გიბრალტართან (2:1) მოგებების შემდეგ 10.88 სარეიტინგო ქულა დაემატა და მთლიანობაში 1305.06 ქულა აქვს.

საქართველოს ნაკრებს მოგეხსენებათ, ერთწლიანი და 11-მატჩიანი დაუმარცხებელი სერია აქვს (9 მოგება, 2 ფრე), რითაც პირადი რეკორდი დაამყარა. გარდა ამისა, ერთა ლიგის C დივიზიონის მოგებით B დივიზიონში აღზევდა და ევრო 2024-ის პლეი-ოფში თამაშის უფლებაც მოიპოვა.

...75. ომანი - 1320.29 ქულა

76. ისრაელი - 1316.55

77. უზბეკეთი - 1309.98

78. საქართველო - 1307.34

79. ჩინეთი - 1305.06

80. ჰონდურასი - 1301.98

81. გაბონი - 1301.84

ფიფას რეიტინგის ლიდერი ისევ ბრაზილიაა, რომელიც ბელგიისა და არგენტინის ნაკრებებს უსწრებს. ზოგადად, საუკეთესო ათეულში ერთადერთი ცვლილება მოხდა, რომლის მიხედვით იტალიამ მეექვსე პოზიციაზე აღზევდა და ადგილი ესპანეთს გაუცვალა.

1. ბრაზილია - 1841.3 ქულა

2. ბელგია - 1816.71

3. არგენტინა - 1773.88

4. საფრანგეთი - 1759.78

5. ინგლისი - 1728.47

6. იტალია - 1726.14

7. ესპანეთი - 1715.22

8. ნიდერლანდები - 1694.51

9. პორტუგალია - 1676.56

10. დანია - 1666.57

რეიტინგი სრულად...

ფიფას მომდევნო რეიტინგი მსოფლიოს ჩემპიონატის დასრულების შემდეგ, 22 დეკემბერს გამოაქვეყნებს.