არგენტინელმა ვარსკვლავმა ლიონელ მესიმ კრიშტიანუ რონალდუს რეკორდი გაიმეორა. საქმე ის არის, რომ მან ზედიზედ მე-16-ედ მოახერხა წელიწადში მინიმუმ 20+ გოლის გატანა.

34 წლის შემტევმა იამაიკასთან გამართულ ამხანაგურ მატჩში დუბლი შეასრულა და 2022 წელს 21-ე და 22-ე გოლი მიითვალა.

აღსანიშნავია, რომ ლიონელს 2007 წლიდან მოყოლებული მუდმივად გააქვს 20 გოლი ერთ კალენდარულ წელში, კროშტიანუმ კი აღნიშნული შედეგი 2006-2021 წლებში დააფიქსირა, მიმდინარე წელს კპორტუგალიელის ანგარიშზე 13 გოლია.

აქვე გეტყვით, რომ წელს ყველა ტურნირის გათვალისწინებით მესის ასევე აქვს 20 საგოლე გადაცემა. მსგავსი შედეგი არგენტინელმა კარიერაში მეშვიდედ დააფიქსირა, როდესაც ერთ წელიწადში 20+ გოლი და 20 საგოლე გადაცემა დააგროვა.