„რეინჯერსისა“ და „ნაპოლის“ მატჩი 13 სექტემბრის ნაცვლად 14 სექტემბერს გაიმართება. ინფორმაცია ოფიციალურად დადასტურდა.

გარდა ამისა, შეხვედრას ვერ დაესწრებიან სტუმართა გუნდის გულშემატკივრები, რომლებსაც გაყიდული ბილეთების ფული უკან დაუბრუნდებათ. შეზღუდვები ბრიტანეთის დედოფლის, ელისაბედ II-ის გარდაცვალებითა და ბრიტანეთში გლოვის დღეებითაა განპირობებული.

ამრიგად, გლაზგოში, „რეინჯერსი“ – „ნაპოლის“ შეხვედრა 14 სექტემბერს, თბილისის დროით 23:00 საათზე გაიმართება. პირველი ტურის შემდეგ იტალიურ კლუბს 3 ქულა აქვს მოპოვებული, ხოლო შოტლანდიელებმა "აიაქსთან" წააგეს.