„კრემონეზეს“ ფეხბურთელმა ლუკა ლოჩოშვილმა სერია A-ს მესამე ტურში შესაძლოა ვერ ითამაშოს. ამის შესახებ ინფორმაცია კრემონელთა მთავარმა მწვრთნელმა მასიმილიანო ალვინიმ გაავრცელა.

მიუხედავად იმისა, რომ ლუკა მატჩის გაფართოებულ განაცხადშია, მან ვარჯიშზე თავი დაიზიანა, რომელიც სერიოზული არ არის, მაგრამ იქნება თუ არა „ტორინოსთან“ მატჩისთვის მზად უცნობია.

„ხვალ ლოჩოშვილის თამაში დიდი კითხვის ნიშნის ქვეშაა. მან თავში დარტყმა მიიღო, ამიტომ, უნდა გადავწყვიტოთ ითამაშოს, თუ არა“, - აღნიშნა ალვინიმ პრესკონფერენციაზე.

შეგახსენებთ, ლუკა ლოჩოშვილს სერია A-ში დებიუტი წინა ტურში „რომას“ წინააღმდეგ ჰქონდა და კარგადაც ითამაშა. „კრემონეზე“ ამჯერად 27 აგვისტოს, შინ „ტორინოს“ დაუპირისპირდება.